Gipadad-an sa pormal nga sulat sa Department of Justice (DOJ) si Atty. Jimmy Bondoc, ang legal counsel ni Senador Ronald "Bato" dela Rosa, aron mangayo sa impormasyon kon asa dapit ang maong senador.
Sa press briefing, gibutyag ni Acting Justice Secretary Frederick Vida nga giisip na karon nga usa ka pugante si Dela Rosa human kini makasibat gikan sa Senado niadtong Mayo 14 aron likayan ang warrant gikan sa International Criminal Court (ICC).
Gibutyag ni Vida nga ang attorney-client privilege o ang pribadong komunikasyon sa abogado ug kliyente dili rason aron dili mokooperar si Bondoc sa balaod ingon nga usa ka opisyal sa korte ug lungsoranon sa nasod.
Gipasidan-an usab sa DOJ ang pagtago sa impormasyon o paglangay sa proseso mahimong paglapas sa balaod.
