CAGAYAN DE ORO CITY, Philippines – Midepensa ang Department of Justice nga legal ang tanan proseso ug protocol sa pagsikop kang kanhi Presidente Rodrigo Duterte ug pagdala kaniya sa The Hague, Netherlands.
Sa exclusive interview sa Bombo Radyo, gibutyag ni DOJ Assistant Secretary ug Spokesperson Atty Mico Clavano nga ang DOJ lamang ang nagsilbing competent judicial authority nga magsilbing tulay sa International Criminal Police Organization o INTERPOL.
Gitin-aw usab ni Clavano nga luwas nga milanding sa langyaw’ng nasud ang kanhi presidente kauban ang iyang nurse aide, usa ka a bogado, ug ICC representatives.
Si Duterte gidala sa The Hague aron tubagon ang iyang kaso sa Crimes Against Humanity, sama sa lapad nga extra judicial killings (EJK) dihang gipatumang War on Drugs Campaign ubos sa iyang pagkamayor sa Davao City hangtud sa nahimo kining presidente sa Pilipinas sugod 2016 hangtud sa pagdeklarar niining mubiya sa ICC sa tuig 2018.
Nagresulta kini sa kapin 20,000 hangtud 30,000 ka tawo ang patay segun sa nasumiter nga report sa ICC.
