Gi-kumpirmar sa Department of Justice (DOJ) nga nadawat na niini ang arrest warrant gikan sa International Criminal Court (ICC) batok kang Senador Ronald “Bato” dela Rosa.
Matod ni DOJ Secretary Fredderick Vida, giila sa departamento nga “valid” ang maong warrant ug gi-respeto ang hangyo sa internasyonal nga korte alang sa pag-patuman niini ngadto sa magbabalaod.
Si dela Rosa nag-atubang sa kasong “crimes against humanity” sa ICC isip usa sa mga giingong “co-perpetrators” ni kanhi Presidente Rodrigo Duterte sa pagpatuman sa kontrobersyal nga war on drugs.
Bisan pa man nga gimandoan na ni Vida ang mga otoridad nga arestuhon ang Senador, iyang giklaro nga buhaton lamang kini kon mosulay si dela Rosa mga mogawas sa nasud.
Nanindigan gihapon ang DOJ sa ilang unang posisyon nga hulaton una ang pinal nga desisyon sa Korte Suprema kalabot sa mga wala pa naresolba nga petisyon nga nag-kuwestiyon sa legalidad sa pag-aresto gamit ang warrant gikan sa gawas sa nasud.
