CAGAYAN DE ORO CITY, Philippines (UPDATE) – Mi-akusar ang legal counsel sa pugante nga si Arnolfo Teves Jr., sa Department of Justice nga mga bakakon ug tigpakatag sa mga fake news.
Kagahapon, gisumbalikan ni Atty Ferdinand Topacio ang DOJ human gibutyag ni Justice Assistant Secretary Atty Mico Clavano nga sa dili madugay makabalik na si Teves, ning semanaha.
Miingon si Topacio nga wala pa sila makadawat sa tubag sa ilang petisyon nga mangayog political assylum kang Timor Leste President José Ramos-Horta ug “stay order” sa korte.
Una niini, gibutyag sa DOJ nga gipaboran sa Court of Appeals of Timor-Leste ang request for extradition sa pugante.
Si Teves nag-atubang sa 10 ka ihap sa kasong murder; 12 ka-ihap sa frustrated murder; ug upat ka ihap sa and attempted murder.
Kung makabalik sa Pilipinas, dunggon ang iyang kaso sa sala sa Manila Regional Trial Court Branch 51.
