CAGAYAN DE ORO CITY – Wala sapawi sa Department of Justice (DoJ) ang trabaho ug gahom sa husgado nga naghawid sa kasong murder batok sa mga akusadong sila Pastor Demvir Andales ug Pastor Jether Nonot sa dakbayan.
Kini human gitahasan ni DoJ Secretary Jesus Crispin Remulla ang iyang mga prosecutor nga isibog ang impormasyon sa kasong pagpatay sa kontestant sa Mr. Cagayan de Oro nga si Adriane Rovic Fornillos nga kamulo nang gidungog sa sala ni Regional Trial Court Branch 39 Presiding Judge Marites Bernales sukad pa sa miaging tuig.
Miingon ang kanhi abogado ni Andales nga si Rhobert Maestre nga gi-base lang ni Remulla ang hukom niini sa na-presentar nila nga mga argumento sa nasang-at nga petition for review batok sa impormasyon nga gigamit sa city prosecutor’s office sa maong kremin.
Siya miingon nga kon unsa man ang hukom sa korte,maoy masunod bisan sa gisulti sa DoJ review sa case information.
Si Andales kinsa detinado sa city jail ang gitudlo nga nagsugo sa duha ka tricab in tandem suspects aron pusilon-patay si Fornillos tungod sa gibutyag sa kapolisan nga ‘crime of passion’ motive.
Hisayrang uyab ni Fornillos ang nabaniug nga giingong ka-relasyon ni Andales apan sa interbyu sa Bombo Radyo kaniya,kusganon niya kining gihimakak.
