CAGAYAN DE ORO CITY – Gilayong gisupak sa pamilya ni late Mr. Cagayan de Oro candidate Adriane Rovic Fornillos ang kamanduan ni Justice Secretary Jesus Crispin Remulla nga ipasibog ang government prosecutors sa naduso nga impormasyon sa murder case batok Pastor Demvir Andales ug Pastor Jether Nonot sa korte ning syudad.
Kini human gisulti ni Remulla nga kulang sa basehan ang unang impormasyon nga naporma sa iyang prosecutors aron masang-at ang kasong pagpatay sa korte batok sa duha ka pastors.
Miingon ang legal counsel ni Adrian nga si Atty Dale Bryan Mordeno nga posibleng kulang sa kasayuran si Remulla sa kahimtang sa gi-rebyo niini nga kaso nga pending na sa sala ni Regional Trial Court Branch 39 Judge Marites Bernales.
Kini ang rason nga gisupak nila ang DoJ intervention.
Una nang namahayag si Atty Rhobert Maestre kinsa kabahi sa unang abogado ni Andales nga wala na nila damha nga paboran pa sila sa ilang petition for review sa DoJ batok sa kaugalingong government prosecutors niini dinhi sa syudad.
Dumduman nga gipapusil-patay si Adrian kay sulti pa sa kapolisan nga resulta sa ‘crime of passion’ nga nagtumbok kang Andales isip nagsugo sa kremin.
Apan sa interbyu usab sa Bombo Radyo,kusganong gihimakak kini ni Andales ug nasubo nga pugsanong gilambigit ang iyang pagkatawo sa kremin nga wala niya himua.
Adunay ka-relasyong babaye si Andrian nga giingong trato usab ni Andales.
Hisayrang wala usab kini angkona nga pasangil ni Andales ug nanganti nga mohimo’g lakang batok sa mga nag-akusar kaniya kabahin niini.
