CAGAYAN DE ORO CITY-Iduso sa Dept of Justice ang motion for reconsideration aron hangyoon ang Korte Suprema nga usbon ang ilang resulosyon diin nagmando nga himoon ang pagdungog sa mga kaso batok sa teroristag Maute dinhi sa syudad.
Kini may kalabutan sa kasong rebellion ug ubang atraso sa maong grupo tungod sa kagubot nga ilang gihimo didto sa Marawi City,Lanao del Sur.
Gibutyag ni Justice Sec Vitaliano Aguirre II nga daghan sa ilang prosecutors ang halos dili mosugot sa paghawid sa maong kaso tungod sa kahadlok nga panismalan ang mga pamilya niini.
Gikonsiderar usab ni Aguirre ang pagbalhin sa case trial venue sa kauluhan ug Visayas aron dili maapektuhan ang seguridad sa syudad nga duol lamang sa Marawi City.
