CAGAYAN DE ORO CITY – Bukas na ang Dept of Justice Action Center o DOJAC aron modawat sa mga reklamo gikan sa katawhan kabahin sa pasangil sa kurpasyon batok sa mga opisyal sa gobierno dinhi sa rehiyon.
Kini human tahasi ni Justice Sec Menardo Guevarra si Atty Mercadel Capadocha aron pagdawat ug pag-imbestigar sa corruption complaints gikan sa publiko kontra pipila govt officials.
Miingon si Capadocha nga pinakauna kini nga opisina sa tibuok nasud nga gitugtan ni Guevarra nga gawas sa Metro Manila.
Makit-an ang DOJAC sa mismong gambalay diin nakabase ang regional,provincial ug city prosecutors’ offices sa Uptown ning syudad.
Saysay ni Capadocha nga mahimo sila nga maabot usab sa mga tawong dunay e-reklamo sa numero nga 0936 644 3108 ug
0961614 4519 hotlines.
