CAGAYAN DE ORO CITY-Luwas na ang kahimtang sa usa ka babayeng doktor nga gipusil sa riding in tandem suspects samtang padulong sa laing ospital ning syudad kagabii.
Kini human nakaangkon sa igo sa wala nga bahin sa dughan ug braso ang biktima nga si Dra Zaynab Abejuela,45 anyos ug nagpuyo ning dakbayan.
Namahayag si Police Insp Jayson Sto Domingo,deputy commander sa Cogon Police Station nga gikan sa ospital ang biktima sakay sa pribadong sakyanan dihang gipusil kini sa wala mailang mga suspek pag-abot sa Yacapin-Quirino Sts sa Brgy 35 ning syudad kagabii.
Gilayong gidala sa ospital si Abejuela aron maatiman samtang wala pa’y kasayuran ang kapolisan sa motibo sa pagpamusil.
