Dili pwedeng gamitong panalipod aron matabonan ang pag-abuso sa pondo sa nasud ang Doktrina sa Operative Fact.
Namahayag si United People’s Initiative President Atty. Virgilio Reyes Garcia sa
eksklusibong pakighinabi sa Bombo Radyo nga usa ka impeachable offense ang gihimong ilegal nga pagdugang ug pag-usab sa national budget gikan 2024 hangtod 2026.
Subay niini, gipasabut sa abogado nga mag-apply lamang ang maong doktrina kon gipatuman ang balaod pinaagi sa maayong kabubut-on ug dili sa mga walay klarong proyekto sama sa flood control.
Tungod niini, nanawagan ang grupo nga pasakan og kaso ug bawion ang tanang pondo nga gipagawas pinaagi sa bad faith ug paglapas sa Konstitusyon.
