Gipamugos ni CAFITADA President Bernie Jamaca nga kinahanglang masusi ug matan-aw pag-ayo ang mga dokumento sa mga nagbiyaheng Green GSM EV Taxi.
Sa iyang interbyu sa Bombo Radyo, gipahayag niya nga kinahanglang usisahon sa LTO-10 ug LTFRB kung adunay legal nga papeles ug prangkisa ang maong mga taksi sa ilang pagpamasahero.
Dugang pa sa opisyal, nakadawat usab sila og report gikan sa mga taxi organization sa Metro Manila nga wala usay naipakita nga mga requirement o OR/CR ang maong mga drayber.
Tungod niini, nanawagan ang ilang grupo nga ipadayon ang petisyon aron mapugngan ang paghatag og Certificate of Public Convenience samtang dili pa pinal ang ilang aplikasyon sa biyaheng El Salvador City padulong sa tibuok Rehiyon 10.
