CAGAYAN DE ORO CITY-Trabaho sa Civil Service Commission o CSC ug dili sa DOLE ang pagtutok sa mga trabahante nga nagsilbing job orders ug casuals sulod sa mga ahensiya sa gobierno.
Kini ang katin-awan ni DOLE Technical Director JV Vasallo kon nganong mismo ang job orders ug casual employees ang wala usab nagbaton sa security of tenure sa ilang panarbaho.
Miingon si Vasallo nga hurisdiksyon sa CSC ang pagtutok sa maong problema ug wala kanila.
Gipugos sa gobierno ang pribadong korporasyon nga ipang-regular ang mga empleyado niini apan utro usab diay ang estado nga nakasupak sa labor code.
Samtang dili angayang itutok lamang sa gobierno ngadto sa mga pribadong mga kompanya ang pagpatuman sa anti-labor only contracting dinhi sa nasud.
Kini ang reaksyon ni kanhi Oro Chamber President ug karon Regional Devt Council o RDC consultant Ralph Paguio sa pagsumpo sa kontraktuwalisasyon diin apektado ang daghang pribadong trabahante sa nasud.
Miingon si Paguio nga angay i-balanse sa gobierno ang pagpatuman sa labor laws ilabina nga daghan ang mahimong apektado niini.
Miingon si Paguio nga daghang konsiderasyon ang angay susihon sa gobierno diin kabahin niini ang kalig-on nga kahimtang sa ekonomiya.
