Gipagawas na sa Department of Labor and Employment (DOLE) ang saktong kwentada sa suhulan alang sa selebrasyon sa Immaculada Concepcion, bisperas sa pasko, ug bisperas sa bag-ong tuig.
Subay sa Labor Advisory no.17, gideklarar nga special non working holidays ang Disyembre 8, 24, ug 31.
Kini nagpasabot nga sa maong adlaw, kung ang empleyado wala mitrabaho mahimong ipatuman ang “no work no pay principle”.
Samtang ang manarbaho sa maong adlaw aduna patong sa ilang regular nga suhulan sa 30% alang sa walo ka oras nga pagtrabaho.
Samtang kadtong mag-overtime sa maong mga adlaw mahimong bayran sa 30% sa ilang hourly rate.
Sa pikas bahin, ang Disyembre 24, ug Disyembre 30, pulos deklarado nga Regular Holiday busa makadawat sa 200% nga suhulan ang empleyado nga duty sa maong adlaw sulod sa walo ka oras, ug laing 30% nga patong sa hourly rate kung mag-overtime.
Kadtong day-off sa maong adlaw, makadawat gihapon sa 100%.
Giklaro sa DOLE nga walay madawat nga benepisyo ang trabahante nga muliban sa maong adlaw.
