CAGAYAN DE ORO CITY – Gipadumduman sa laing higayon sa Department of Labor and Employment o DOLE 10 ang mga negosyante nga dili hikawan ang ilang mga empleyado sa pagdawat sa 13th month pay sa dili pa ang petsa 24 sa Disyembre ning tuiga.
Gihimo ni DOLE 10 Technical Director Atheneus ‘JV’ Vasallo ang pasidaan aron wala na’y mga trabahante nga modangop sa media ug sa ilang opisina kay nag-reklamo nga nahikawan sila sa maong katungod.
Miingon si Vasallo nga dili sila gusto nga mapugos pagkaso batok sa pipila ka employers hinungdan nga angay sundon na lang ang mando sa balaod.
Hisayrang daghan na sa mga pribadong kompanya ang nanghatag na sa maong bunos sa ilang mga empleyado apan may ubay-ubay pa usab ang naghulat sa dili pa ang petsa 24 ning bulana.
