CAGAYAN DE ORO CITY, Philippines – Midonar sa $1-million ang beteranang singer nga si Dolly Parton para sa mga biktima sa bagyong Helene. Gihimo ni Parton ang pag-anunsyo dihang misundayag kini sa New Port.
Mi-angkon ang 78 anyos nga singer nga personal niya nga salapi ang iyang idonar ug gusto pa niya kining pun-an sa mga musunod nga adlaw. Gibutyag sa beteranang singer nga makigkoordinar kini sa Dollywood Company alang sa dugang $1-million.
Sa kinatibuk-an, ang 2 milyon US-Dollars mupadulong sa Mountain Ways Foundation nga maoy nagdumala sa mga relief and recovery efforts sa East Tennessee, Western North Carolina ug sa Appalachian Region.
