ESTADO UNIDOS– Mipatim-aw subli, atubangan sa bagang-doot sa mga supporters sa Milwuakee City sa estado sa Wisconsin ang opisyal nga Presidential Candidate sa Partido Republikano, si kanhi US Presidente Donald Trump.
Nahimong emosyonal ang iyang pagpasalamat sa katawhan sa Amerika ug Kahitas-an tungod kay naluwas siya sa assassination attempt, didto sa Butler, Pennsylvania, usa ka semana ang nakalabay.
Gikonsiderar ni Trump nga “second life” ug bug-at nga testimonsya ang iyang “survival” sa nahitabong plano sa pagpatay kaniya.
Alang kang Trump, timaan kadto nga ipadayon niya ang pagserbisyo sa katawhan sa Estadus Unidos.
Hisayran nga kini pa ang unang higayon nga subli, nangatubang sa publiko si Trump, sukad nahitabo ang iyang assassination attempt.
