CAGAYAN DE ORO CITY –Gipasidan-an ni Provincial Gov Bambi Emano ang tigdumala sa Donsal Express Group nga istrikto nga sundon ang balaod sa pagpasakay sa mga pasahero gikan dinhi sa dakbayan ug padulong sa lungsod sa Tagoloan,Misamis Oriental.
Kini human nakamugna’g bag-ong rota ang maong kompanya gamit ang napulo ka moderno nga aircon buses aron mapasayon ang pagbiyahe sa mga sumasakay dinhi sa syudad ug lalawigan.
Miingon si Emano nga dako nila nga kalipay nga napili sa Donsals ang maong lungsod apan wala nagpasabot nga magpasagad na lamang usab sa health protocols ang mga bus drivers niini.
Una usab niini,gikalipay ni LTFRB-10 Dir Allan Guro nga nahuna-hunaan kini sa kompanya isip dugang mobilisasyon nga makabase sa lalawigan.
