CAGAYAN DE ORO CITY – Gihagit sa pamilyang Dormitorio si Armed Forces of the Philppines o AFP chief of staff Gen Romeo Brawner Jr nga hingpit nang e-ban ang hazing sulod sa Philippine Military PMA.
Gihimo ni Dexter Dormitorio ang mensahe nunot sa pagka-konbikto sa tulo ka kadete nga mipatay sa iyang igsoon nga si PMA Cadet 4th Class Darwin Dormitorio niadton tuig 2019.
Miingon si Brawner nga dili lang magsilbing battle cry ang maong pakigbisog apan angay butanga’g ngipon sa heneral aron wala na’y laing kadete ang mamatay tungod sa hazing.
Hisayrang tulo sa unom ka kadete nga upperclassmen ni Darwin ang gisilota’g 40 ka tuig nga pagkabilanggo ang matag-usa gumikan sa murder ug anti-hazing law conviction sa korte sa miaging semana.
