CAGAYAN DE ORO CITY – Wala gub-a ang integridad ug kredebilidad sa Philippine Military Academy (PMA) apan pagpangita’g hustisya lamang ang gingusgan sa pamilyang Dormitorio.
Kini ang dugang pagpasabot ni Dexter Dormitorio kinsa igsoon ni late PMA Cadet 4th Class Darwin Dormitirio nga namatay tungod sa hazing o pagpasakit nga walay basehan nga hinimuan sa pipila ka upperclassmen niini sa Baguio City tuig 2019.
Namahayag si Dormitorio nga dili mahitabo nga kontrahon nila ang PMA kay nagsumikad usab ang ilang kaugalingong amahan ug nahimo nga taas nga opisyal sa Philippine Army sa miaging panahon.
Hisayrang sa kamatayon ni Darwin niadtong Setyembre 2019 sa kadlawon,gihukman usab sa korte sa tag-40 ka tuig ang principal accused nga sila kanhi PMA Cadets 3rd Class Shalimar Imperial Jr ,Felix Lumbag Jr ug Julios Carlo Tadena sa Baguio City sa miaging semana.
