CAGAYAN DE ORO CITY – Gitahud sa Philippine Military Academy (PMA) ang pagpasakag kaso sa pamilyang Dormitorio sa mga kadagkuan sa Armed Forces of the Philippines nga maoy nagpadagan sa akademya.
Kini ang gikompirmar ni PMA spokeswoman Captain Cheryl Tindog sa pakighinabi sa Bombo Radyo.
Miingon si Capt. Tindog nga nabati sab nila ang pagsubo sa pamilyang Dormitorio human namatay ang ilang anak nga si Cadet 4th Class Darwin Dormitorio.
Subli, gitin-aw sa tigpamaba sa PMA nga miduyog sila sa pagpangitag hustisya sa pamilya ni Darwin ilabe na nga kabahin si Darwin sa ilang pamilya sa PMA.
Lakip sa gipasak-an ug kaso ni Dexter Dormitorio sila resigned PMA Supt Lt Gen Ronnie Evangelista ug PMA Cadets Commandant Brig Gen Bartolome Bacarro.
