CAGAYAN DE ORO CITY-Nakaandam ang tourist spots sa rehiyon nga modawat sa dagsa nga mga turistang langyaw ug local nga dili ma-akomodar sa Boracay Island ning tuiga.
Kini human gimando ni DENR Sec Roy Cimatu ang pagpasirado sa isla sulod sa usa ka tuig aron ipaubos sa rehabilitasyon.
Miingon si Dept of Tourism regional director May Unchuan nga mismo ang Northern Mindanao Convention and Marketing Bureau ang gitahasan sa pag-abi-abi sa mga bisita sa rehiyon.
Una nang giuyunan ni Unchuan ang pagpasira una sa Boracay aron masalbar kini gikan sa naghinobrang polusyon gikan sa mga negosyo nga kulang sa pagpakabana sa kinaiyahan.
Nasayran nga tanang bahin sa Northern Mindanao ang nagbaton sa tourist spots diin gidagsaan sa mga langyaw ug lokal nga turista.
