CAGAYAN DE ORO CITY-Dili na dawaton sa LTO-10 ug LTFRB-10 ang karaan o daghan na’g depektoso nga public utility vehicles o PUVs sugod ning tuiga.
Kini kon laraw pa gihapon sa mga operator nga e-renew ang ilang PUV units sa nahisgutang mga ahensiya sa rehiyon.
Miingon si LTFRB regional director Allan Guro nga ang lakang kini sa Dept of Transportation o DOTr nga hinay-hinay nang masugdan ang pagpatuman sa PUV modernization program.
Giangkon ni Guro nga hinay-hinayon nila ang pagpatuman niini samtang wala pa’y igong mga bag-ong sakyanan nga mohulip niini.
Dumduman nga kapin 200 na ka PUVs ang nadakpan sa DOTr sa kauluhan sugod kagahapong adlawa.
