(Update) CAGAYAN DE ORO CITY-Napugos ang DPWH-10 pagpaundang sa pagtrabaho sa gitukod nga tulay diha sa lungsod sa Opol,Misamis Oriental.
Kini human giulan pagbatikos sa libuang motorista ug mga pasahero ang DPWH-10 tungod sa namugna nga trapiko diin miluntad sa pila ka oras sukad pa sa miaging semana.
Miingon si DPWH regional spokesperson Vinah Jean Maghinay nga gilayong gipatawag nila ang kontraktor ug ubang technical groups aron mahatagan sa dinalian nga sulbad ang trapiko.
Samtang,bisan ang provincial engineering office o PEO ang andam moabag paghatag sulbad sa trapiko nga namugna sa duha ka tulay nga gitukod diha sa lungsod sa Opol,Misamis Oriental.
Kini human mismo usab si Gov Bambi Emano ang nakadawat sa batikos gikan sa katawhan nga na puwerhisyo sa dili systematic nga pagdumala sa trapiko sa maong lungsod.
Giawhag usab niini ang DWPH-10 nga dili kalimtan ang provincial govt nga ipahibalo kon may mga proyekto nga tukuron sa bisan asa nga bahin sa lalawigan.
