CAGAYAN DE ORO CITY-Giila sa DPWH-10 nga dakong kawad-on alang kanila ang kalit nga kamatayon sa usa sa ilang engineer nga nalambigit sa aksidente sa Brgy Gusa sa syudad.
Kini human mibangga ang pick-up vehicle nga gimaneho sa biktima nga si Engr Erfor Manduro, 51 anyos nga taga-Brgy Cugman sa syudad.
Gibutyag ni DPWH regional spokesperson Vinah Jean Maghinay nga maayo ang performance ni Manduro sa pagsilbi niining project engineer sa ahensiya.
Una niini,gibutyag sa kapolisan nga kasuhan nila ang driver sa mobile crane nga nabanggan sa biktima kagahapon sa buntag.
Dumduman nga pauli na ang biktima dihang wala niya mabantayi ang nakaparada nga crane hinungdan sa pagkadasmagi niini ug nag-resulta sa iyang kamatayon.
