CAGAYAN DE ORO CITY – Gipamugos sa Department of Public Works and Highways/DPWH 10 nga wala sila’y mga paborito nga mga politiko aron mapaboran ang mga ipatuman nga mga proyekto sa gobierno sa tagsa-tagsa ka probinsya nga naglangkop sa Northern Mindanao region.
Kini maoy tubag ni DPWH 10 spokesperson Novie Cabrido kabahin sa expose ni Senator Panfilo Lacson nga anaa sa halos 70 pa taas ka mga kongresista nga nagsilbi usab nga mga kontraktor sa mga proyekto nga gipangtukod sa ilang mga distrito gamit ang pondo gikan sa mga nasudnong buhatan sa kagamhanan.
Siya miingon nga nagmaamping daw ang ahensiya kabahin niini aron dili maipit sa tinuig nga audit ug kalikayan nga maigo sa mga kaso.
Giklaro usab niini nga wala daw mga proyekto sama sa flood control projects nga depektoso ang pagka-trabaho o mga palpak sukwahi sa gihulagway ni Pres Bongbong Marcos sa iyang State of the Nation Address/SONA diin gimando nga ipaubos sa imbestigasyon.
Hisayrang sulod sa tulo ka tuig sa administrasyon ni Marcos, sobra uno-trilyones pesos na ang na-alokar nga pondo sa flood control projects apan padayon ang mga pagbaha sama sa nahitabo didto sa kauluhan ug Luzon provinces.
