CAGAYAN DE ORO CITY- Ipatawag sa kapitolyo-probinsiyal ang mga tag-as nga opisyal sa Department of Public Works and Highwayy o DPWH-10.Kini aron mohatag og katin-awan sa nahugno nga riprap sa tulay nga gitukod sa Brgy Igpit nga nagresulta sa grabe nga trapiko.
Matud ni PDRRMO excecutive officer Sotsot Dy Jr nga kinahanglang manubag ang ahensiya sa purwesiyo nga gihatag niini sa commuters.
Nabalaka si Dy sa posibilidad nga mosamot kahugno ang riprap sa tulay ug dili na kini maagian sa publiko.
Samtang giiangkon sa DPWH-10 nga may nahimo silang kasaypanan kung nganong miresulta sa grabe nga trapiko ang ilang pagtul-id sa tulay diha sa may lalawigan sa Opol.
Matud ni DPWH regional spokesperson Vinah Jean Maghinay nga nasayop sila kung nganong gidungan nila pagtul-id ang duha ka tulay sa Barangay Igpit ug Opol nga maoy hinungdan sa sobrang traffic.
Dili mahitabo nga mahugno ang riprap usa ka tulay kung ilang na-kontrol ang pag-paagi sa mga dagkong sakyanan nga maoy nakapahumok sa yuta.
