Mi-angkon si kanhi Department of Public Works and Highways (DPWH) Bulacan District Engineer Henry Alcantara nga siya ang mipirma sa completion certificates sa mga flood control projects ubos sa iyang hurisdiksyon bisan wala niya kini personal nga na-inspeksyon.
Atol sa pagpangutanan ni Congressman Bienvenido Abante, kung angay ba siyang kasuhan tungod sa iyang “negligience” o walay pagpakabana, mitubag si Alcantara sa “Oo, Your Honor,”.
Kini nagpakita nga mi-angkon siya sa iyang responsibilidad nga siya nakasala.
Usa sa mga proyekto nga giingong “ghost project” mao ang ₱55 milyon nga riverwall sa Baliuag, Bulacan, nga gi-award sa Syms Construction Trading, nga giinspeksyon mismo ni Presidente Marcos Jr. ug nadiskubre nga wala gyud nahuman.
