CAGAYAN DE ORO CITY, Philippines – Gimando ni Presidente Ferdinand Marcos Jr., sa Department of Public Works and Highways (DPWH) ang subling pagtuon sa Bicol River Basin Development Program.
Gusto makita sa presidente ang detalyado nga ‘engineering design’ sa himoong mga flood control projects aron dili masubli ang baha nga dala sa bagyong Kristine.
Hisayran nga kini nga programa unang nasugdan sa rehime sa amahan ni President Marcos, ug naundang sa tuig 1986.
Una niini, nabulit sa pagsaway ang Malakanyang tungod kay palpak ang gipalanog nga bilyones pesos nga flood control project sa gobyerno.
Kahinumduman nga gipasigarbo ni Marcos ang iyang flood control program sa iyang State of the Nation Address sa migaing tuig.
Sa unang higayon, ang Bagyong Kristine pa ang may pinakadaghang tawong namatay sukad milingkod sa palasyo si Marcos.
