Nagpahayag sa iyang pagpasalamat si DPWH Secretary Vince Dizon sa lokal nga panggamhanan sa Cagayan de Oro ug Misamis Oriental tungod sa ilang hugot nga pakigtambayayong sa ahensya.
Sumala sa kalihim, ang ilang koordinasyon gihimo subay sa mando ni Presidente Ferdinand R. Marcos Jr. aron masiguro nga mahatagan og prayoridad ug masulbad dayon ang mga kinahanglanon sa imprastraktura sa matag dapit sa nasud.
Tungod niini, gitutokan karon sa DPWH ang tulo ka dagkong proyekto sa Cagayan de Oro diin gigahinan na og ₱300 million ang Coastal Road gikan sa gikinahanglan nga katibuk-ang ₱30 billion.
Gilantaw usab sa ahensya ang paggahin og pondo alang sa Eastern Interior Road nga nagkinahanglan og ₱7 billion, samtang gipasalig sa DPWH nga mahuman sa sayong bahin sa sunod tuig ang tulay sa Macabalan-Bonbon.
