CAGAYAN DE ORO CITY-Sikop pinaagi sa buy-bust operation ang trabahante sa Department of Public Works and Highways o DPWH-10 sa Opol,Misamis Oriental.
Gibutyag ni Opol Police Station commander C/Inps Evary Bacunawa nga una nilang gipahigayonan sa operation ang taxi driver nga si Osano Sereña Jr, 35-anyos taga Igpit Opol.
Natigayon ang operation sa Johndorf, Barra Opol diin nakuha sa iyang posisyon ang duha ka sachet sa gituohang shabu ug lakip niini ang 500 pesos nga marked money.
Sa dihang gipangutana kini sa mga operatiba kung asa gakuha sa supply sa shabu,mikanta kini hinungdan gihimo ang ikaduhang operasyon diin ilang nasikop si Artsel Preciado, 40-anyos, molopyo sa Iponan ning syudad.
Nakuha sa posisyon sa suspek ang 2 ka sachet sa gituohang shabu ug 500 pesos nga marked money.
Gibutyag nga si Preciado kasamtangang nagtrabaho sa DPWH-10 isip job order.
