CAGAYAN DE ORO CITY – Mibati’g pasiunang kahupayan batok sa kabalaka nga mapugngan ang paglansad pagka-kongresista ni Carmen Punong Brgy Kilang Uy batok kang incumbent Cagayan de Oro 1st District Cong. Lordan Suan sa dakbayan.
Kini human miduso’g petisyon sa pagsibog ang Comelec Law Department sa ilang 2nd division batok sa kasong giatubang ni Uy.
Unod sa gilugwa nga petition sa pagsibog sa moto propio case batok sinumbong nga nagkinahanglan una sila sa subsob nga pagtoon sa mga dokumento ug mga ebedensiya ayha makapadayon sa mas lawom nga imbestigasyon.
Gihinaut usab sa nanumbong nga itugot sa komisyon ang paghatag-pabor sa hangyo alang sa maong katuyuan.
Sa pagkutlo ning balita, wala pa’y gilugwa nga komento ang panig ni Kapitan Kikang kabahin sa maong lakaw sa kaso sa kauluhan.
Nagsumikad ang lakang sa basehan nga nakasupak ang sinumbong sa pipila ka probisyon sa Omnibus Elections Code diin giakusar nga sobra 8-mil ka tawo ang nahimong bag-ong mga botante gamit ang paghatag sa barangay resident certifications sa hinapos nga hugna sa miaging registration period sa Brgy Carmen.
Una nang nakadawat sa pagsaway ang Comelec kay sila ang nanumbong,modungog ug mohukom sa kaso batok Uy.
Apan depensa usab sa Comelec nga gitugot kanila sa konstitusyon nga makahimo’g moto propio case filing aron dali ma-resolbar ang maong isyu kaysa maghulat pa’g pribadong petisyoner.
