CAGAYAN DE ORO CITY-Gitin-aw sa Land Transportation Franchising and Regulatory Board o LTFRB-10 nga walay usbaw sa pletihan sa mga PUJ sa tibook Rehiyon-10.
Sumala ni LTFRB Reg Dir Allan Guru nga maoy sundon sa mga operator ug drayber ang 2008 nga taripa nga gipaggawas sa ilang ahensya.
Gibutyag usab ni Guru nga padayon siyang nakigdayalogo sa mga transport sector aron hisgutan ang ilang petisyon nga dugang usbaw sa pletihan.
Nagbahad si Guru nga ilang pahamtangan og penalty ang mga operator ug drayber nga mangayo’g dugang usbaw sa pletihan.
Matud ni Guru nga ila usab susihon ang matag PUJ kung nagbaton ba kini og mga taripa nga magsilbing giya sa pletihan sa matag pasahero.
Dugtong niini, gi-awhag ni Guru ang mga drayber nga sundon ang 2008 taripa sa pagpangayo’g pletihan aron dili masilotan.
