Dili makadawat sa ayuda ang mga drayber nga wala mag-renew sa ilang drivers license.
Kini ang gitin-aw sa Department of Social Welfare and Development (DSWD)-10.
Mipasabot si Social Welfare Regional Director Glofelia Uayan, ilang gamiton ang Land Transportation Office (LTO) portal aron masiguro ang status sa mga benepisyaryo ug matino kung kinsa ang kwalipikado sa maong ayuda.
Siya miingon nga mga driver nga kamolo pa ang proseso sa renewal mahimo pa gihapon maapil, apan, strikto nilang ipatuman ang balaod nga dili makadawat sa ayuda kung hupas na ang lisyensya.
Hisayran nga magsugod ang pag-apud-apud sa ayuda sa mga drayber sa liwas sa Semana Santa sa Abril 8.
