Gipasabot ni City Information Officer Jade Adeser nga lisod maapil sa ayuda ug subsidiya sa gobyerno ang ubang mode of transportation sama sa mga bao-bao tungod kay wala pa kini marehistro ug wala giila isip opisyal nga public vehicle.
Sumala niinj, ang mga benepisyaryo sa ayuda gikan sa gobyerno kinahanglan adunay hustong dokumento ug legal nga papeles aron maapil sa listahan ug malikayan ang problema sa liquidation.
Gipasabot usab niya nga mas sayon mahatagan og ayuda ang mga drayber sa rehistradong sakyanan nga adunay prangkisa tungod kay klaro ang ilang datos ug rekord sa gobyerno.
Dugang pa niya nga ang ubang operators kinahanglan mangita pa og pamaagi aron ma-legalize ang ilang operasyon pinaagi sa hustong pagparehistro ug pagkompleto sa requirements.
Busa, iyang gi-awhag ang tanang transport sector nga mosunod sa mga regulasyon aron masiguro nga maapil sila sa mga programa sa gobyerno, ilabi na sa panahon sa krisis. (By James Oliver)
