CAGAYAN DE ORO CITY – Gikasuhan na sa Mambajao Municipal Police Station ang drayber sa van nga naaksidente sa Sitio Sipaka, Mambajao, Camiguin nga gikamatay sa 3 ka tawo samtang 7 ang samaran.
Matud ni PCMsgt Ramil Banac, imbestigador sa Mambajao Municipal Police Station nga kasong reckless imprudence resulting to homicide and physical injuries ang ilang ipasaka batok kang Joy Sobresana.
Hisayran nga nahitabo ang aksidente dihang nawad-a’g preno ang drayber sa van hinungdan nga nahulog kini sa bakilid nga gikamatay sa mga biktima nga sila si Julie Ann Mae Oliba, Jobert de Asis ug Ian Umalili.
Una niini, 13 ka mga pasahero ang sakay sa van dihang nahitabo ang aksidente.
