CAGAYAN DE ORO CITY – Nakaggawas na sa bilangguan ang drayber sa delivery van nga nakabangga sa multicab nga gikamatay sa duha ka pasahero samtang 5 ang samaron diha sa Brgy Amplaya, Jasaan, Misamis Oriental.
Giila ang gawasnon nga drayber nga si John Allen Elacarte nga taga-Brgy Bagakay, Ozamiz City.
Gibutyag ni Police Senior Msgt Dexter Rejas, traffic investigator sa Jasaan Police Station nga miuyon sa amicable settlement ang pamilya sa mga namatay nga sila si Rodolfo Anggana, 58-anyos taga Tagoloan ning lalawigan ug Melijune Pacquiao Macion nga residente sa Quezon,Bukidnon ngadto na sa drayber sa van.
Una unang gibanggaan ni Elacarte ang multicab nga gimaneho ni Ryan Ancierto de Lima nga taga-Villanueva ning lalawigan hinungdan sa pagkaangol sa 15 ka pasahero nga naglakip sa kamatayon ni Macion ug Anggana kagahapon sa buntag.
