CAGAYAN DE ORO CITY – Nag-atubang na sa kasong reckless imprudence resulting to homicide and damage to property ang Hi-Lux driver nga nalambigit sa dugu-ong aksidente sa national highway,Purok 3,Brgy Pangyawan,Gitagum,Misamis Oriental.
Kini ang paghatag update ni Gitagum Police Station deputy commander Lt Wilben Damson sa Bombo Radyo sa panagbangga sa pribadong sakyanan ni Rakim Amir Rataban,53 anyos nga taga-Brgy Camaman-an batok motorsiklong gimaneho ni Sonny Culob nga residente usab sa Barangay Sta Felomina,Iligan City.
Namahayag si Damson nga padulong sa Iligan City si Amir dihang wala mopaak ang preno sa iyang sakyanan kay danlog ang dalan rason mituyok kini padulong sa opposite lane diin nagsubay ang motorsiklo ni Culob.
Tungod sa kakusog sa impact,nataban si Culob ug napasok sa ilawom sa sakyanan hinungdang nakalas ang kinabuhi niini.
Gumikan sa hitabo,gikasuhan si Amir ug makagawas lang kon dunay pag-uyon ang pamilya sa biktima alang sa amicable settlement aron wala na’y ipadayon nga kaso sa piskalya.
