CAGAYAN DE ORO CITY – Kasuhan daw sa pipila sa mga tagtungod ang drayber sa bongo truck nga naka-disgrasya-patay sa tulo ka taga-isla sa Camiguin.
Kini subay sa impormasyon nga gipaabot sa Mambajao Police Station kabahin sa panghitabo.
Gibutyag ni PRO 10 spokesperson Major Joann Navarro nga naghulat na ang imbestigar sa mga dokumento nga masubmitar sa mga katungod sa namatyan kabahin sa lakang-legal sa maong self-accident sa miaging semana.
Miingon si Navarro nga subay sa imbestigasyon nga kusog ang dagann sa trak nga gimaneho ni Joko Ares Amper nga apil sa naangol.
Namatay sa disgrasya ang mga biktima nga sila si Verson Semania;Emmanuel Sale nga pulos taga-Brgy Aguho ug Jerry Agbo nga gikan sa Brgy Pandan sa maong lungsod.
Samtang luwas sa kuyaw’ng kahimtang sila Jackie Bacsarsa,Roy Ariata; Jimnard Bacor ug Amper nga pulos nagpuyo sa maong probinsya.
Padulong sa trabaho ng mga biktima dihang nadigyas ang trak sa kurbada nga bahin ug nalamba sa punuan sa lubi rason nanglupad ang mga sakay niini.
Nangabunal ang mga ulo sa biktima hinungdang tulo kanila ang deklarado nga patay.Gihimuan pa sa dugang imbestigasyon sa kapolisan.
Nasuta nga padulong sa Catarman ang mga biktima nga sakay sa bongo truck nga gipanag-iya ni Marivic Hansol.
