CAGAYAN DE ORO CITY – Giandam sa kapolisan ang kasong reckless imprudence resulting to multiple homicide batok sa Chevrolet Colorado nga nakabangga sa sports vehicle diin nag-resulta sa kamatayon sa tulo ka tinun-an sa Brgy Gusa sa syudad.
Kini bisan nga inisyal nga nakit-ang dunay kasaypanan ang mga namatay’ng biktima nga sila si Rhett Lester Ang Gaeid, 21-anyos, nga residente sa Corrales St;Cameron Lilli Madrid, 21-anyos, taga Pasil, Kauswagan ug Louise Gail Lagman, 20-anyos sa maong hitabo.
Miingon si Agora Police Station Commander Police Major Julius Clark Macariola nga giimbestigaran pa’g dugang sa iyang imbestigador ang hitabo ilabina nga bugtong si Jose Georlin lamang nakuhaan nila’g pahayag kabahin sa hitabo.
Si Georlin ang padulong sa Tagoloan,Misamis Oriental sakay sa Chevrolet dihang kalit miliko ang sports car nga gimaneho ni Gaeid hinungdan sa dugu-ong aksidente kagahapon sa kadlawon.
Naka-hospital arrest si Georlin tungod usab sa epekto sa maong bangga.
