CAGAYAN DE ORO CITY-Patay na ang biktima nga nabangil sa ligid sa 10 wheeler truck didto sa Upper Puerto ning syudad kagahapong adlawa.
Naila ang biktima nga si Carmelo Nagac Miranda, 32 anyos, minyo nga taga Phividec Tagoloan, Misamis Oriental.
Segun sa report, kritikal nga milanding sa Northern Mindanao Medical Center ang biktima human aksidenteng nalatayan sa ligid sa iyang kaugalingong truck nga gimaneho.
Una niini,mibuto ang usa sa ligid sa iyang gimaneho nga truck ug mikuha siya sa bato nga ibangil niini aron tul-iron apan siya ang naunay ug latay sa sakyanan sa dihang mi-andar kini kay wala na mipaak ang break.
