Nasang-at na ang kaso batok sa driver ni British boxer Anthony Joshua human sa madugong aksidente nga nakapatay sa duha niyang trainers.
Sumala sa Ogun State Police Command sa Nigeria, gisang-at ang kaso batok kang Adeniyi Mobolaji Kayode, 46-anyos.
Ang mga kaso nga giatubang niini mao ang dangerous driving, reckless and negligent driving, driving without due care, ug driving without valid driver’s license.
Tungod sa aksidente, nakadawat sa gamay nga samad si Joshua apan human sa pipila ka adlaw nakagawas usab siya sa ospital.
