CAGAYAN DE ORO CITY – Nakasuhan na’g reckless imprudence resulting into homicide ang truck driver nga gikabangga sa police official sa highway sa Mauswagon,Laguindingan,Misamis Oriental.
Kini human nag-resulta sa kamatayon ni Police Maj Abogado Mautin nga taga-Lanao del Sur ang maong bangga sa miaging adlaw.
Miingon si Laguindingan Police Station commander Maj Edgardo Balido nga siya una ang nagsilbing nominal complainant sa kaso batok suspek nga si Cocoy Agravante kay wala pa makabisita ang asawa ni Mautin sa ilang buhatan.
Nalubong na usab ang biktima subay sa tradisyon sa pagtoong Islam sa Brgy Watu,Balindong,Lanao del Sur.
Si Mautin ang padulong unta sa Cagayan de Oro City sakay sa iyang pribadong sakyanan dihang nasugat niini ang trak nga gimaneho ni Agravante hinungdan sa dugu-ong aksidente.
