CAGAYAN DE ORO CITY – Gikasuhan na sa kapolisan ang trailer truck driver sa piskalya tungod sa kamatayon sa pito ka tawo nga naglakip sa duha ka aktibong konsehal sa Brgy Ampalaya, Jasaan,Misamis Oriental.
Miingon si Maj Evary Bacunawa,hepe sa Jasaan Police Station nga kabahin sa giatubang sa suspek nga si Vincent Rey Abuloc nga taga-Butuan City ang reckless imprudence resulting to mulitple homicide,physical injuries ug damaged to properties.
Kabahin sa mga naligsan-patay samtang natambong sa haya ang mga biktima nga sila si Alberto Lauron,51 nga taga-Canitoan sa syudad;
Wilfredo Capillador Jr,32;Lemuel Edorot,33,pulos brgy kagawad sa Aplaya;Serex Andumac,53,menor de edad nga si Justine Lagno nga tanan taga-Jasaan;Hilardo Montecillo,65 ug Jenny Montecello nga gikan usab sa Claveria ning lalawigan.
Samaron usab sa hitabo sila si Ariel Ampion nga taga- ng Laguindingan,Shiela Montecillo sa Claveria;mag-agaw nga sila Jelson ug Christ King Emanel nga taga-Jasaan.
Una nang gibutyag sa suspek nga may nabali sa truck hinungdan nawad-an sa kontrol ang gisakay nga bulldozer ug nagsilbing stopper na lamang niini ang haya sa pamilyang Zayas nga nagresulta sa dugu-ong aksidente sa miaging gabii.
Samtang nangayo’g pasaylo si Abuloc sa mga pamilya sa namatyan ug mga samaron sa aksidente sa Jasaan,Misamis Oriental.
Gibutyag ni Abuloc nga naglisod siya’g kontrol kay mikawan ang abante nga bahin sa truck sa kabug-at sa bulldozer nga karga.
Ihatod unta ang maong ekipo padulong sa Zamboanga gikan sa Caraga apan mibangga kini sa mga tawo nga nag-vigil sa usa ka haya ug midaot sa 20 ka sakyanan sa miaging gabii.
