CAGAYAN DE ORO CITY – Gibuhian na sa kapolisan ang driver sa trailer truck nga nakaligis-patay sa machine operator sa Del Monte Philippines sa Zone 3 Brgy Cugman ning syudad.
Kini human nagkasabot na ang truck driver nga si Leomel Rey Tandog, hingkod ang panuigon ug molopyo sa Zone 7 Barra Opol,Misamis Oriental ug pamilya sa biktimang si Tristan Jay Abella, 25, ulitawo nga taga Zone 1, Brgy Iponan sa syudad.
Miingon si Cugman Police Station investigator Police Staff Sgt. Noel Ermac Perpetua nga ilang napasaka ang kaso sa piskalya.
Apan nahukman sa matag kampo nga magkasabot na lamang busa gihatag na kang Tandog ang kagawasan kagahapong adlawa.
