CAGAYAN DE ORO CITY-Gibuhian sa El Salvador City Police Station ang driver sa pick up nga nakaligis sa mag-lola nga igo lamang mitabok sa pedestrian lane sa Zone 4, Brgy Sinaloc,El Salvador City,Misamis Oriental.
Kini human nagkasabot ang driver nga si Helegarde de Pedro Jr, 37-anyos, residente sa Iligan City ug ang pamilya sa mga biktima.
Gibutyag ni Police Master Sgt Jade Embong, imbestigator sa El Salvador City Police Station nga wala sila’y napasaka nga kaso batok kang De Pedro tungod sa panagsabot sa duha ka kampo.
