CAGAYAN DE ORO CITY – Gipangita na sa kapolisan ang wala pa mailang taxi driver nga resposable pagdunggab sa enforcer sa Roads and Traffic Administration (RTA) ning syudad kagabii.
Kini human mismo si RTA Manager Engr. Nonito Oclarit ang nakig-koordinar kang City Police Director Col Salvador Radam aron mapadali ang pagkadakop sa suspek nga mihimo pagdunggab sa ilang personahe nga si Randy Cerrada nga kasamtangang naka-confine sa Northern Mindanao Medical Center.
Unang nahiagom sa dinunggaban sa dughan ug tiyan ang biktima dihang kalit gi-atake sa suspek samtang nagbaklay kagabii.
Gani,nag-amuta na ang mga kauban niini aron makatigom sa gamay’ng cash nga makadugang sa galastuhan samtang magpaalim pa ang biktima sa ospital.
