CAGAYAN DE ORO CITY – Kasuhan sa Mambajao Police Station ang drayber sa van nga naaksidente nga gikamatay sa 3 ka tawo samtang 7 ang samaran sa Sitio Sipaka, Mambajao,Camiguin.
Matud ni Police Chief Master Sgt Ramil Banac, imbestigador sa Mambajao Police Station nga kasong reckless imprudence resulting to homicide and physical injuries ang ilang ipasaka batok kang Joy Sobresana.
Nahitabo ang aksidente dihang nawad-a’g preno ang drayber sa van hinungdan nga nahulog kini sa bakilid nga gikamatay sa mga biktima nga sila si Julie Ann Mae Oliba, Jobert de Asis ug Ian Umalili.
Una niini, 13 ka pasahero ang sakay sa van dihang nahitabo ang aksidente.
Nasuta nga pulos call center agents nga gikan sa Davao City ang mga biktima nga naglakip sa mga nakabsan sa kinabuhi sgumikan sa maong hitabo niadtong Hunyo 22 ning tuiga.
Gipaubos usab sa intensive care unit si Rose Ann Balaba nga nawad-an sa panimoot samtang gitambalan sila si Jeffrey Dulingay;Eric John Opao;Rustom Pursuelo ug Glenn Ann Sabacan.
Suwerte usab nga walay samad ang 4 anyos nga anak ni Jeffrey nga si Mico ingon man sila si Jeffrey Dismas ug Genevit Merensillo dihang nabangga sa duha ka punuan sa lubi ang van.
Dugang ni Bollozos nga gilayong mipaabot sa simpatiya sa hitabo si Mambajao Mayor JJ Romualdo samtang mitunol sa ayuda alang sa mga biktima.
