CAGAYAN DE ORO CITY – Patay nang nakita sa mga personahe sa rescuers ang drayber sa nahulog nga trak sa karaang tulay sa Kitaotao,Bukidnon.
Miingon si Bukidnon Provincial Disaster Risk Reduction and Management Office chief Johan Damasco nga naipit sa nahulog nga trak si Cerilo Aligada, 44-anyos, taga- Bagong Silang, Maramag, Bukidnon hinungdan sa kamatayon niini.
Milungtad sa duha ka adlaw ang pagpangita sa patay’ng lawas sa biktima kay unang gitoohan nga misibat gumikan sa hitabo.
Una niini, nagkalisod ang rescuers sa paghaw-as sa 150 ka sako nga bugas nga karga sa trailer truck dihang nahulog sa padulong sa Pulangi River.
