Arestado sa gihimong buy-bust operation sa mga awtoridad ang usa ka 41 anyos nga giilang si alyas Memet human giingong naglihok isip driver sa riding-in-tandem nga nang-snatch sa usa ka senior citizen sa Velez, Lungsod sa Cagayan de Oro.
Nakuhaan ang suspek og 3 sachet sa gituohang shabu nga mitimbang og 6.1 gramo ug adunay gibentahang kantidad nga 41,480 pesos subay sa standard drug price.
Gikumpirma sab ni Police Captain Lorenzo Ocon Jr., ang station commander sa COCPO Police Station 5, nga gituyo gyud nila ang pagpahigayon og laing matang sa operasyon aron matutokan ang maong insidente sumala na usab sa direktiba sa City director.
Napanid-an ang aksyon sa maong snatching pinaagi sa usa ka video gikan sa usa ka motorista, hinungdan nga nagpadayon pa gihapon ang gihimong pagpanggukod sa kapolisan sa nakatakas nga kasabwat nga si alyas RJ.-
