CAGAYAN DE ORO CITY – Naka-kustodiya una ang drayber sa pribadong sakyanan nga nakabangga sa nagdagan nga motorsiklo diin nakabsan sa kinabuhi ang sakay niini sa highway sa Barangay Pangayawan,Gitagum,Misamis Oriental.
Kini samtang resolbahon pa ang dugu-ong aksidente nga nag-resulta sa kamatayon sa motorista nga si Sonny Sagrado,legal ang edad ug residente sa Brgy Sta.Filomena sa Iligan City.
Sa inisyal nga imbestigasyon sa kapolisan,nawad-an sa kontrol ang drayber sa Toyota Hilux nga si alyas Boy Control samtang padulong sa Iligan City tungod sa danlog nga dalan epekto sa ulan hinungdang napaingon sa opposite lane diin nagsubay ang biktima.
Nagbaton sa grabeng damyos ang biktima rason gidali pagdala sa OWWA -Alubijid Hospital apan wala na maluwas sa mga miatiman nga mga doktor.
Tungod niini,detinado ang drayber samtang gihusay sanglit naka-damyos pa ang hitabo sa balay sa barangay kapitan sa lugar.
Hisayrang gikan dinhi sa syudad ang drayber ug padulong Iligan City samtang nahiagom sa dugu-ong aksidente ang biktima.
